MARKETING STRATEGIYASINI SHAKLLANTIRISH VA TAKOMILLASHTIRISH YO’LLARI

Abstract

Bugungi kunda yengil sanoat korxonalari iqtisodiy o‘sishning muhim tarmoqlaridan biri hisoblanadi. Aholi ehtiyojlarini qondirish, eksport salohiyatini oshirish va raqobatbardosh mahsulotlar ishlab chiqarish ushbu sohaning asosiy vazifalaridan sanaladi. Shu bois, yengil sanoat korxonalarida marketing strategiyasini shakllantirish masalalari alohida dolzarblik kasb etmoqda. Raqobat muhiti tobora kеskinlashib, bozordagi konyunkturaviy o’zgarishlar jadallashib borayotgan bugungi kunda mulk shaklidan qat’iy nazar, barcha xo’jalik yurituvchi subyеktlar oldida turgan bosh maqsad va vazifalardan biri muntazam, sistеmali tarzda xaridor va mijozlar talab va ehtiyojlarini o’rganish va uning natijalariga muvofiq holda ishlab chiqarish(xizmat ko’rsatish)ni samarali tashkil etishdan iborat. Bu esa o’z navbatida har bir ishchi, mutaxassisdan qonunan, vijdonan, halol savdo va muomalani talab qiladi.