PEDAGOGIK NAZOKAT – O‘QITUVCHINING AXLOQIY-MA’NAVIY QIYOFASINI BELGILOVCHI MEZON SIFATIDA
Keywords:
Pedagogik nazokat, o‘qituvchi axloqi, ma’naviy qiyofa, komil inson tarbiyasi, xulq va odob, ta’lim-tarbiya tizimi, o‘qituvchi va o‘quvchi munosabatiAbstract
Ushbu bitiruv ishida pedagogik nazokat-o‘qituvchi axloqiy-ma’naviy qiyofasini namoyon etuvchi me’yor tuyg‘usi yoki xulq va odob qoidalariga rioya qilishi haqida fikr yuritamiz. Pedagogik nazokat o‘qituvchining o‘quvchilar bilan o‘zaro munosabatini tashkil qilish vositasi. Psixologik til bilan aytilganda, nazokat insonning bir qolipdagi barqaror tasavvurlarida mujassamlashgan shaxsiy insoniy hislatlarining yig‘indisidir.
Pedagogik nazokat me’yorlari o‘qituvchidan avvalo komil insonga xos hislatlarga ega bo‘lishni talab qiladi. Zero, ta’lim-tarbiya tizimini isloh qilishning asosiy maqsadlaridan biri komil inson tarbiyasi bo‘lib, u davlat siyosatining ustuvor yo‘nalishi deb e’lon qilingan. Ongi yuksak, mustaqil fikrlay oladigan, xulq-atvori bilan o‘zgalarga ibrat bo‘ladigan bilimli, ma’rifatli yoshlarni tarbiyalab voyaga etkazish o‘qituvchi zimmasida.
