IMOM BUXORIY ASARLARINI BUGUNGI YOSHLARGA O‘RGATISHNING AHAMIYATI

Abstract

Yoshlar tarbiyasida buyuk muhaddis Abu Abdulloh Muhammad ibn Ismoil al-Buxoriyning sahih hadislari o‘quvchilar tarbiyasida eng muhim manbaa bo‘lib xizmat qiladi. Shu bilan birga kelajak avlodga ilm- ma’rifatli, bilimli, zakovatli, aqlli va idrokli, baxtli va saodatli, odob- axloqli, pok hamda iffatli, sabr matonatli bo‘lib ulg‘ayish tuyg‘ulari shakllanib boradi. Imom al-Buxoriy hadislarida axloq masalasiga alohida e’tibor berilgan. Shuningdek, hadisi Sharifda «Ilm olmoqqa intilish har bir muslim va muslima uchun farzdir» deydiladi. Abu Abdulloh Muhammad ibn Ismoil al-Buxoriyning hadislarida insonning ma’naviy kamolga yetish uchun talab etiladigan insoniy fazilatlar aks ettirilgan bo‘lib, bular mehr-oqibat ko‘rsatishlik, sahiylik, ochiq ko‘ngillilik, ota-ona va kattalarga hamda qarindoshlarga g‘amxo‘rlik, hurmat; faqir-bechoralarga muruvvat; vatanga muhabbat, mehnat va kasb-hunarni ulug‘lash, halollik, poklik, o‘zaro do‘st, tinch-totuv bo‘lib yashash, ilmning qadr qimmati ilm o‘rganishga bo‘lgan muhabbat va boshqalardan iboratdir.