SEMIZLIKNING SALOMATLIKKA SALBIY TA’SIRI

Abstract

Aholining uzoq umr ko‘rish davomiyligini ta’minlash dolzarb masalalardan biridir. Zero, ushbu ko‘rsatkich insonlarning sog‘lom turmush tarzi va farovon hayoti ifodasidir. Bugungi kunda rivojlangan davlatlar o‘rtasida ko‘p tarqalayotgan kasalliklardan biri bu semizlikdir. Semizlik salomatlikka salbiy ta’sir ko‘rsatadigan jiddiy holatdir. U yurak va qon tomir kasalliklari, 2-turdagi diabet, suyak va bo‘g‘im muammolari, nafas olish qiyinchiliklari, saraton kasalliklari va jigar kasalliklariga olib kelishi mumkin. Shuningdek, semizlik psixologik salomatlikka ham ta’sir qilishi, depressiya va o‘zini past baholash kabi holatlarni keltirib chiqarishi mumkin. Sog‘lom ovqatlanish, jismoniy faollik va tibbiy maslahatlar semizlikni boshqarish va uning salbiy ta’sirlarini kamaytirishga yordam beradi.