YORITGICHLARNING KULMINATSIYALARI VA KULMINATSIYA BALANDLIKLARI MAVZUSINI O‘QITISHNING METODIK ASOSLARI

Abstract

Astronomiya fanining muhim yo‘nalishlaridan biri bo‘lgan kulminatsiya jarayoni turli tabiiy va ilmiy sohalarda qo‘llanilishi mumkin. Bu mavzuni tushunish nafaqat astronomiya darslari uchun, balki geografiya, navigatsiya va fazoviy tadqiqotlar uchun ham katta ahamiyat kasb etadi. Shuning uchun ta’lim jarayonida talabalarga mavzuni chuqur tushuntirish hamda amaliy mashg‘ulotlar orqali mustahkamlash zarurati mavjud. O‘qitish jarayonida interfaol metodlar va zamonaviy texnologiyalardan foydalanish talabalar bilim olish samaradorligini oshiradi. Dars jarayonida “Aqliy hujum”, “Klaster”, “Blits-so‘rov”, “Muammoli ta’lim” kabi interfaol usullardan foydalanish talabalarni faol ishtirok etishga undaydi. Shuningdek, STEAM yondashuvi yordamida astronomiya fani matematika, fizika va texnologiya bilan bog‘lanib, mavzuni yanada chuqurroq tushunish imkonini yaratadi.