MEDIATSIYA INSTITUTINING HUQUQIY ASOSLARI VA RIVOJLANISH BOSQICHLARI

Abstract

Zamonaviy huquqiy tizimlarda fuqarolik, iqtisodiy, mehnat, oila va boshqa turdagi nizolarni tezkor, samarali va insonparvarlik tamoyillari asosida hal qilish zarurati tobora ortib bormoqda. Shu munosabat bilan, muqobil nizolarni hal etish usullaridan biri — mediatsiya instituti global miqyosda keng e’tirof etilmoqda. Mediatsiya — bu suddan tashqari, ixtiyoriy asosda amalga oshiriladigan kelishuvga erishish jarayoni bo‘lib, taraflar o‘rtasidagi nizo va kelishmovchiliklarni tinch yo‘l bilan hal etishni maqsad qiladi. Bu jarayonni neytral va mustaqil shaxs — mediator olib boradi.