BOLA HUQUQLARIGA OID XALQARO SHARTNOMALAR EVOLYUTSIYASI: BMT TAJRIBASI

Abstract

Bola huquqlarining shakllanishi va taraqqiyoti haqida mulohaza yuritar ekanmiz, bu huquqlarni inson huquqlari tizimining ajralmas elementi sifatida qarash zarurati yana bir bor yaqqol namoyon bo‘ladi. Ayniqsa, bolalar jamiyatning eng himoyaga muhtoj va ijtimoiy jihatdan zaif qatlamini tashkil etganligi bois, ularning huquq va erkinliklari, qonuniy manfaatlarini tarixiy va huquqiy nuqtai nazardan o‘rganish inson huquqlari evolyutsiyasining muhim yo‘nalishlaridan biri sifatida e’tirof etiladi. Shu jihatdan, bola huquqlari inson huquqlarining faqat tarkibiy qismi emas, balki uni chuqurlashtiruvchi va boyituvchi omillardan biridir, deyish mumkin.