ИЛДИЗПОЯЛИ ДОРИВОР ЎСИМЛИКЛАРНИНГ ЎСИШ ВА РИВОЖЛАНИШ БИОЛОГИЯСИ
Abstract
Жаҳон миқёсида доривор ўсимликлар ва улардан ажратиб олинадиган биологик фаол бирикмалар янги дори воситаларининг қимматли манбалари ҳисобланади, шу боисдан ҳам бутун дунёда уларни замонавий тиббиётда қўллаш борасида қизиқишлар ортиб бормоқда. Европа мамлакатларида 1300 дан ортиқ дори воситалари табиий доривор ўсимликлардан олинган бўлиб, АҚШ да рецепт бўйича бериладиган 150 та асосий дори воситаларидан тахминан 118 таси келиб чиқиши билан уларнинг хом ашёларига асосланган.
Силлиқ ширинмия халқ табобатида асрлар давомида қўлланилган қимматли доривор ўсимлик ҳисобланади [1;147-150-б.]. Айнан, силиқ ширинмиянинг ширин таъми туфайли турли хил йиғма чойларнинг таъмини яхшилаш учун ҳам ишлатилади. Тибет халқ табобати тиббиётининг мураккаб турдаги йиғма чойлар тўпламларининг тахминан 70% қизилмия илдизини ўз ичига олади.
