ТИЗИМЛИ ЯЛЛИҒЛАНИШ- ПАРОДОНТИТ ВА ОШҚОЗОН-ИЧАК ЯРА КАСАЛЛИКЛАРИ ОРАСИДАГИ БОҒЛИҚЛИК СИФАТИДА

Abstract

Сурункали пародонтит ва ошқозон-ичак яраси касалликлари ўртасидаги боғлиқлик умумий патофизиологик механизмлар, жумладан сурункали яллиғланиш, иммунитетнинг заифлашиши ва микробиологик ўзгаришлар билан боғлиқ бўлиб, бу касалликларни ташхислаш ва даволашда комплекс ёндашувни талаб қилади. Оғиз бўшлиғи патологияси ошқозон-ичак тракти касалликлари билан оғриган беморларнинг 92% да ташхис қилинади ва асосан пародонтит билан ифодаланади. Сурункали тарқалган пародонтит (CТП) энг кенг тарқалган пародонтал касалликлардан биридир. Бу ҳолат тишларнинг тутиб турувчи тўқималарининг яллиғланиши ва йўқ қилиниши билан тавсифланади, бу ўз вақтида даволанмаса, тишларнинг йўқолишига олиб келиши мумкин.