QANDLI DIABET BILAN OG’RIGAN BEMORLARDA DENTAL IMPLANTATSIYA O'TKAZISH

Abstract

Qandli diabet bilan og‘rigan bemorlarda dental implantatsiya tibbiyot sohasida murakkab va nozik masalalardan biri hisoblanadi. Qandli diabet – bu organizmda qand miqdorining doimiy ravishda yuqori bo‘lishi bilan tavsiflanadigan surunkali kasallik bo‘lib, uning asoratlari orasida og‘iz bo‘shlig‘i va tish sog‘lig‘iga ta’siri katta ahamiyatga ega. Diabet bilan og‘rigan bemorlarda tish yo‘qotilishi ko‘p uchraydi, chunki yuqori qand miqdori tish atrofidagi to‘qimalarning yallig‘lanishi va infektsiyalarga moyilligini oshiradi. Shu sababli, bu bemorlarda dental implantatsiya jarayoni o‘ziga xos yondashuv va ehtiyotkorlikni talab qiladi.