TELEMEDITSINA: ZAMONAVIY TIBBIYOTNING YANGI BOSQICHI
Abstract
Zamonaviy tibbiyot jadal rivojlanib borayotgan bir davrda, tibbiy xizmatlarning sifatini oshirish, aholiga qulay va tezkor yordam ko‘rsatish dolzarb masalaga aylangan. Ayniqsa, olis va chekka hududlarda yashovchi aholi uchun malakali tibbiy xizmatlardan foydalanish imkoniyati cheklangan. Shu nuqtai nazardan qaralganda, telemeditsina – ya'ni axborot-kommunikatsiya texnologiyalari yordamida tibbiy xizmat ko‘rsatish – sog‘liqni saqlash tizimidagi muhim innovatsiyalardan biri hisoblanadi.Koronavirus pandemiyasi davrida telemeditsinaning ahamiyati yanada yaqqol namoyon bo‘ldi. Odamlar uyda o‘tirgan holda shifokorlardan maslahat olish, test natijalarini baholash va hatto muolajalar bo‘yicha yo‘riqnoma olish imkoniga ega bo‘ldi. Bu esa nafaqat tibbiy xizmatni davom ettirish, balki sog‘liqni saqlash tizimi ustidagi bosimni kamaytirishga ham xizmat qildi.Bugungi kunda telemeditsina yurtimizda ham bosqichma-bosqich joriy etilmoqda.
