BOLALARDA GELMINTOZ KASALLIGINI DAVOLASHDA XALQ TABOBATINING AHAMIYATI

Abstract

Bolalarda gelmintoz kasalligi va uni davolash masalasi doimiy dolzarb muammolardan biri hisoblanadi. Gelmintoz – bu turli xil parazitar gijjalar chaqiradigan kasallik bo‘lib, ayniqsa bolalarda ko‘p uchraydi. Ushbu kasallikning belgilari turlicha bo‘lishi mumkin: doimiy charchoq, ishtahaning pasayishi, vaznning kamayishi, qorin sohasida og‘riq, kamqonlik, allergik reaksiyalar, teri muammolari kabilar bolalarda gelmintozning asoratli ifodalaridandir. Gelmintoz bolaning nafaqat jismoniy rivojlanishiga, balki ruhiy va aqliy salomatligiga ham salbiy ta’sir ko‘rsatadi. Shu sababli, bolalarda ushbu kasallikni o‘z vaqtida aniqlash va to‘g‘ri davolash muhim ahamiyatga ega.