O'TKIR ICHAK INFEKSIYASI: TASHXISLASH VA DAVOLASH CHORALARINI OPTIMALLASHTIRISH

Abstract

O'tkir ichak infeksiyalari inson salomatligiga katta xavf tug'diruvchi kasallik bo'lib, aholi o'rtasida keng tarqalgan infeksion kasalliklar sirasiga kiradi. Bu kasalliklar asosan ovqat hazm qilish tizimi orqali kelib chiqadi va ko'pincha suvsizlanish, umumiy holsizlik, kuchli ich ketishi, og‘iz qurishi, qorinda og‘riq va umumiy intoksikatsiya kabi belgilar bilan namoyon bo‘ladi. O'tkir ichak infeksiyalari asosan virus, bakteriya yoki ba’zi hollarda zamburug‘lar ta’sirida yuzaga keladi. Infeksiya manbai ko‘pincha bemor odamlar yoki virus tashuvchi shaxslar bo‘lib, kasallikning asosiy tarqalish yo‘li esa ifloslangan ovqat va suv, gigiyena qoidalariga rioya qilmaslik natijasida amalga oshadi.