INFORMATIKA VA AT O‘QITUVCHILARINI DASTURLASH BO‘YICHA MALAKASINI OSHIRISHNING ZAMONAVIY METODIKASI

Abstract

Ushbu ilmiy maqolada informatika va axborot texnologiyalari o‘qituvchilarining dasturlash bo‘yicha malakasini oshirishning zamonaviy metodikasi tadqiq etilgan. Malaka oshirish jarayonida nazariy bilimlar, amaliy ko‘nikmalar va pedagogik yondashuvlarning uyg‘unligi asosida samarali ta’lim tizimini tashkil etish usullari ko‘rib chiqilgan. Ishda o‘qituvchilarni dasturlash tillari va texnologiyalari bilan tanishtirish, interaktiv va onlayn ta’lim vositalaridan foydalanish, shuningdek, individual yondashuv asosida doimiy rivojlanishni ta’minlash muhimligi ta’kidlangan. Tahlil natijalari malaka oshirishning samaradorligini oshirish uchun amaliy tavsiyalar ishlab chiqishga imkon yaratdi. Ushbu metodika zamonaviy ta’lim jarayonida o‘qituvchilarning kasbiy kompetentligini oshirish va ta’lim sifatini yaxshilashga xizmat qiladi.