OʻZBEKISTONDA TUPROQA UYA QURUVCHI QUSHLARNING TARQALISHI

Abstract

Oʻzbekistonda Coraciiformes turkumiga mansub 4 ta tur uchraydi. Adabiyotlarda ularning uchrash xususiyatlari, tarqalishi va soniga tegishli materiallar oʻtgan asrning 60 yillarigacha boʻlgan muddatda yigʻilgan boʻlib, ancha eskirgan va ular bugungi kunda amaliyotda foydalanish imkonini bermaydi. Oxirgi yillarda mazkur turlarning yashash muhitlariga boʻlayotgan turli ta'sirlar ularning regionda tarqalishi va soniga sezilarli ta'sir koʻrsatmoqda. Turlarning tarqalish xususiyatlari va sonida boʻlayotgan oʻzgarishlarni aniqlash ularni muhofaza qilish yoʻnalishidagi chora-tadbirlarini belgilash, turlarning evolyusiyasida boʻlayotgan adaptiv moslanishlarning yoʻnalishlarini aniqlash imkonini berishi bilan dolzarbdir.