PSIXOLOGIYA FANIDA KOMMUNIKATIV YONDASHUVNING BOSHLANG‘ICH TA’LIMDAGI AHAMIYATI
Keywords:
psixologiya, ta’lim, kommunikatsiya, muloqot, bilim, imkoniyat, metod, texnologiyalar, o‘yin texnologiyalari hissiyot.Abstract
Kommunikativ yondashuv psixologiya fanini o‘qitishda nafaqat o‘rta va oliy ta’limda, balki boshlang‘ich ta’lim darajasida ham ajoyib samara beradi. Bu yondashuv yosh bolalarda nutqiy, ijtimoiy va hissiy ko‘nikmalarni shakllantirish, shuningdek, ularni faol muloqat qilishga o‘rgatish uchun asos bo‘lib xizmat qiladi. Psixologiya elementlarini boshlang‘ich sinf darslariga singdirish orqali o‘qituvchilar bolalarni nafaqat bilim bilan, balki psixologik jihatdan sog‘lom shaxslar bo‘lib yetishishiga yordam beradi. Psixologiya fanining o‘zi insonning ruhiy holati, xulq-atvori, hissiyotlari va ijtimoiy munosabatlarini o‘rganishga qaratilganligi sababli, bu fan o‘qitilishida kommunikativ yondashuvning ahamiyati yanada oshadi. Chunki psixologiya nafaqat nazariy bilimlarni o‘zlashtirishni, balki ularni amaliyotda qo‘llashni ham talab qiladi.
