JADID MA’RIFATPARVARLARINING SAN’ATGA MUNOSABATI ASOSIDA BO‘LAJAK AKTYORLARDA IJTIMOIY MAS’ULIYAT TUYG‘USINI RIVOJLANTIRISH

Abstract

Mazkur maqolada jadid ma’rifatparvarlarining san’at, xususan teatrga bo‘lgan yondashuvi tahlil qilinadi va ularning g‘oyaviy merosi asosida bo‘lajak aktyor shaxsida ijtimoiy mas’uliyat tuyg‘usini shakllantirish imkoniyatlari ochib beriladi. Jadidlar san’atni xalqni tarbiyalovchi, ongini uyg‘otuvchi kuch sifatida ko‘rganlar. Ularning dramatik asarlaridagi ijtimoiy mavzular, axloqiy g‘oyalar va milliy tafakkur bugungi aktyorlik ta’limida o‘z ahamiyatini yo‘qotmagan. Maqolada zamonaviy teatr ta’limida jadidlar qarashlaridan metodik foydalanish yo‘llari, shuningdek, aktyorlik jarayonida ijtimoiy mas’uliyatni uyg‘otishga xizmat qiluvchi amaliy yondashuvlar yoritiladi.